Du kan normalt ikkje få støtte til:
- Tiltak som er nesten eller heilt ferdig.
- Oppgraderingar og moderniseringar.
- VVS og elektriske installasjonar.
- Brannsikring.
- Kulturminne som er freda.
- Kyrkjer.
- Kulturminne som er i offentleg eige.
- Eigarar som får offentleg driftstøtte, som museum og trussamfunn.
- Løyst inventar, som møblar og bilete.
- Kopiering av kulturminne, med unntak av hageanlegg.
- Tekniske utgreiingar og forundersøkingar som tilstandsrapportar, årringsdateringar og fargeundersøkingar.
- Immateriell kulturarv, som dans, mat og språk.
Faste kulturminne
Du kan få støtte til å setja i stand alle typar bygningar, hagar og parkar, historiske vegar og andre fysiske anlegg som til dømes steingjerde.
Sikringstiltak
Du kan søkja om støtte til kulturminne som har skadar og omgåande behov for sikring mot vidare forfall.
Fartøy og båtar
Du kan få støtte til å setja i stand alle typar fartøy og opne båtar, og til fartøy som har status som verna skip.
Rullande og bevegelege kulturminne
Du kan få støtte til alle typar rullande og bevegelege kulturminne, som personbilar, bussar, traktorar, sledar, karjolar og fly.
Fagseminar og kurs
Du kan få støtte til fagseminar, kurs og konferansar med innhald om tradisjonshandverk, ombruk, ny bruk og berekraft.
Formidling
Du kan få støtte til ulike typar formidling av kulturminne og kulturmiljø. Gjerne prosjekt som er tidlegare støtta av oss.